დასკვნები მარკეტინგული აქტივობების ეფექტიანობის გასაზრდელად

თარიღი April 7, 2016
კატეგორია: საინტერესო სტატიები | Comments Off on დასკვნები მარკეტინგული აქტივობების ეფექტიანობის გასაზრდელად

რაც უფრო ახლოს ვიცნობთ მომხმარებლის ბუნებას, მით მარტივია მათი დარწმუნება. ამის გამო მარკეტინგი ფსიქოლოგიის განუყოფელი ნაწილია, რომელიც ყოველთვის პოულობს ადამიანის ქცევის ახსნას. როდესაც საქმე ყიდვის სტიმულირებას ეხება, მოცემული დასკვნების გაანალიზება უწყობს ხელს პროცესის წარმატებით წარმართვას.

  1. ტვინი იმპულსური ქცევებისკენაა მიდრეკილი – მართალია ბევრს აქვს პრეტენზია, რომ მიღებული გადაწყვეტილებები მოკლებულია ემოციურ ფონს, თუმცა ასაკობრივი და სქესობრივი განსხვავების მიუხედავად, მომხმარებლები ხშირად ექცევიან მარკეტოლოგების ხაფანგში. წინააღმდეგ შემთხვევაში, ზოგადად გადაწყვეტილების მიღების პროცესი იქნებოდა საკმაოდ რთული პროცესი. ამიტომ ნუ მოგერიდებათ ითამაშოთ საკუთარი ემოციებით. უფრო მეტად მოსალოდნელია მსგავსი გადაწყვეტილებების სისწორე.
  2. სურათები გაცილებით სწრაფად აღიქმება, ვიდრე ტექსტი მეცნიერულადაა დადასტურებული, რომ ტვინი ტექსტზე სწრაფად ვიზუალურ გამოსახულებებზე რეაგირებს, ამიტომ საკმაოდ დიდი დრო იხარჯება ეფექტური დიზაინის მქონე ვებ გვერდების დამზადებაზე. შედეგად მათ გაცილებით მეტი წარმატება მოაქვთ, რაც თავისთავად გაყიდვების სტიმულირებას იწვევს.
  3. ლურჯი ფერი ნდობასთან ასოცირდება. ეს ფერი იშვიათად ცდება, ამიტომ მიმართავენ მას ყველაზე წარმატებული კომპანიები: Facebook, PayPal, Microsoft. გარდა იმისა, რომ ის სასიამოვნოდ აღსაქმელია, საზოგადოების კეთილგანწყობასაც იმსახურებს, თუმცა აუცილებლად წარმატების განმაპირობებელი არაა. ყველა ადამიანი მაინც ინდივიდუალურად აღიქვამს მას.
  4. ტვინი გაცილებით მეტ ნდობას გამოხატავს შესაფერის სიტყვებთან კავშირისას – მართალია ვიზუალი პირველ ადგილს იკავებს, თუმცა არანაკლებ მნიშვნელოვანია სწორად შერჩეული ტექსტიც. პირველი მოკლევადიან შედეგს განაპირობებს, მეორე კი მომხმარებლის ხანგრძლივად შენარჩუნებისკენაა მიმართული. ამისთვის ხშირად მიმართავენ სიტყვებს: ავთენტური, სერტიფიცირებული, გარანტირებული, რაც მომხმარებელში ნდობას აღძრავს.
  5. გაცილებით მაღალია ერთხელ დაყოლიებული მომხმარებლის ხელმეორედ მოზიდვა – თავდაპირველად მარკეტოლოგები ცდილობენ მომხმარებლები მარტივი საკითხებით მოიზიდონ (მაგ. სიახლეების გამოწერა) და მხოლოდ ამის შემდეგ შესთავაზონ რაღაც განსაკუთრებული.
  6. თავდაპირველი ღირებულება განსაზღვრავს კლიენტის განწყობას – მომხმარებლები გაცილებით ნაკლებად ყოყმანობენ ფასდაკლებული სვიტრის შეძენისას, თუ იციან მისი თავდაპირველი ღირებულება, რადგან პარალელს თავდაპირველ ღირებულებასთან ავლებენ და არჩევანს სწორ გადაწყვეტილებად მიიჩნევენ. ამიტომ კომუნიკაციის პირველ რიგში საკუთარი შეთავაზების გაცნობა გარკვეულ პრივილეგიას იძლევა.
  7. ადამიანისადმი განწყობა და მოლოდინები განსაზღვრავს მათ ქცევას – ერთ–ერთი კვლევის თანახმად, ჯგუფი ორ ნაწილად დაყვეს. ნაწილი გააფრთხილეს, რომ მხოლოდ აქტიურობის შემთხვევაში აირჩევდნენ, ნაწილს კი არჩევანის თავისუფლება მიანიჭეს. აღმოჩნდა, რომ გაფრთხილებულმა გუნდმა 15%–ით უკეთესი შედეგი აჩვენა. ეს ამართლებს კომპანიების ქცევას, განუმარტონ მომხმარებლებს თუ როგორ მოიქცნენ კონკრეტულ სიტუაციაში.

აღნიშნულის გათვალისწინებით წარმატების მისაღწევად განსაკუთრებული მნიშვნელობა აქვს მომხმარებლების ფსიქოლოგიის საფუძვლიანად შესწავლას, რადგან არ არსებობს ყველა სეგმენტისთვის უნიკალური მიდგომა. საუკეთესო გადაწყვეტილებაა თითოულის შესახებ ინფორმაციის მოძიება, სიახლეების გატესტვა და დასკვნების მხოლოდ ამის საფუძველზე გამოტანა.

წყარო

კომენტარები

comments