რაზე გავამახვილოთ ყურადღება ახალ, 2015 წელს
თარიღი January 13, 2015
კატეგორია: საინტერესო სტატიები | Comments Off on რაზე გავამახვილოთ ყურადღება ახალ, 2015 წელს
თუ არ გსურთ ეს წელი ისეთივე ჩვეულებრივი იყოს, როგორც გასული, მიჰყევით სტატიას და გაიგეთ, რაზე უნდა გაამახვილოთ ყურადღება.
1. განათლება
ტრეინინგი, სწავლა და განათლება. რაც არ უნდა გასაკვირი იყოს, დამსაქმებლები საკმარისად არ ცდილობენ საუკეთესო კადრების შენარჩუნებას და მათ განვითარებას. ამ პრობლემის გადასაჭრელად გამოიყენეთ შემდეგი გზები:
- შორს დაიჭირეთ თავი „ტალანტების ომისგან“. ამის ნაცვლად, იზრუნეთ საკუთარი პერსონალის განვითარებაზე. გახსოვდეთ, 3-4 წელიწადში ერთხელ სათაო ოფისში 1 კვირით კვალიფიკაციის ასამაღლებელ ტრენინგზე თანამშრომლის გაგზავნა მათ განვითარებას არ გულისხმობს.
- რიჩარდ ბოიათცის ციტატას თუ მოვიშველიებთ, მოცემული მომენტისთვის მენეჯერულ პოზიციაზე დასაქმებულთა 70-80 პროცენტის განთავისუფლების შემთხვევაში ორგანიზაციები შეუფერხებლად განაგრძობენ ფუნქციონირებას. რატომ? იმიტომ, რომ ისინი უარყოფითად მოქმედებენ გარემოზე. თუკი კონკრეტულ რაიმეზე გადაწყვეტთ ფოკუსირებას, პირველ რიგში მენეჯერების განათლებას ნუ დაივიწყებთ. დაეხმარეთ მათ იყვნენ შედეგიანები და შეძლებთ საუკეთესო კადრების ხანგრძლივად შენარჩუნებას.
- გააახლეთ საკუთარი ტრეინინგ პროგრამა – დაისახეთ ეს ერთ–ერთ პრიორიტეტულ მიზნად და ნუ დახარჯავთ ბიუჯეტს მხოლოდ გარე ტრეინინგებზე. შექმენით ისეთი რამ, რაც სარგებელს თავადაც მოგიტანთ და მოიძიეთ პარტნიორები მის განსახორციელებლად. გარდა ამისა, სულ უფრო მეტი სკოლა გთავაზობთ შესაბამის სემინარებს უფასოდ, მათ შორის ონლაინ კურსებს (მაგ. Coursera და MOOC).
2. ბედნიერება
დროა ფოკუსი იმაზე გადაიტანოთ, რაც მართლაც მნიშვნელოვანია და წარმატების მოტანა შეუძლია. ეს არაა ეფექტურობა, ინოვაცია და ხარჯების შემცირება. საქმე პერსონალს ეხება, რომელსაც ყოველივე ეს ძალუძს და რომლისთვისაც მთავარი ბედნიერებაა. 3 მიზეზი ამაზე ყურადღების გასამახვილებლად:
- მე–20 საუკუნე ნამდვილად დასრულდა, როდესაც ადამიანები სამსახურში თვითგადარჩენისათვის საჭირო ფულის გამოსამუშავებლად დადიოდნენ. გაიხსენეთ მასლოუს პირამიდა, რომლის თანახმადაც ადამიანების უმაღლესი სურვილი თვითრეალიზაციაა, სამსახური კი სწორედ ის ადგილია, სადაც ამის მიღწევას ცდილობენ. თუ ამას შეძლებთ, ბედნიერი სწორედ მაშინ იქნებით. საკუთარ თავს შეხედეთ, ნუთუ უფრო მეტ წარმატებას არ აღწევთ ბედნიერებისას?! დარწმუნებული იყავით, რომ ეს მიდგომა თითოეულ თანამშრომელზე ამართლებს.
- შეწყვიტეთ წარმატებაზე ფოკუსირება, რადგან ბედნიერი თავისთავად წარმატება, რაც არაერთმა ფსიქოლოგმა, სოციოლოგმა და ნეირომეცნიერმაც კი დაადასტურა. თუ მიზანად ხანგრძლივვადიანი გეგმები გაქვთ დასახული, სერიოზული მუშაობა მოგიწევთ თანამშრომლების ბედნიერებაზე.
- იზრუნეთ დიდი სტრესის და ხანგრძლივი სამუშაო გრაფიკის გამანეიტრალებელ საშუალებებზე. ეს თქვენი პასუხისმგებლობაა, რადგან კომპანიაში მიმდინარე პროცესები ურთიერთმონაცვლეა: თქვენ უთმობთ ადამიანებს დროს, ენერგიას, ენთუზიაზმს, კრეატიულობას, ისინი კი საპასუხოდ კომპანიის განვითარებაზე ზრუნავენ. სულ მცირე, მენეჯმენტის უმთავრესი ფუნქცია იმის გარკვევაა, ბედნიერია თუ არა თანამშრომელი.
3. ეჭვი
ეჭვი კრეატიულობის ერთ–ერთი მნიშვნელოვანი წყაროა, რადგან კითხვის დასმის ჩვევას ავითარებს. როგორ გადავაქციოთ ეჭვი ინოვაციად:
- ნუ მოჰყვებით ასაკოვანი ხალხის კრიტიკას საკუთარი გამოცდილების გიზიარებისას. იმოქმედეთ, დაინტერესდით თითოეული რუტინით და გამონახეთ უკეთესი გზები. მოქმედებების სისწორეში ეჭვის შეტანა საუკეთესო შედეგთან მაქსიმალურად მიგაახლოვებთ, რაც საბოლოო ჯამში თამაშის მთავარ მონაწილედ გაქცევთ.
- არ დაგაზარალებთ ყველაფერ იმაში ეჭვის შეტანა, რაც წარმატებასთანაა კავშირში. დიდი განსხვავებაა ტერმინებს „მე ვიცი ციფრული ტექნოლოგია“ და „მე გავიზარდე ციფრული ტექნოლოგიით“ შორის. იგივე ეხება ლიდერულ უნარ–ჩვევებს. ისწავლეთ მაქიმალურად ბევრი, რადგან თუ ყველაფრის გასაღები გექნებათ, რთული კარი აღარ იარსებებს თქვენთვის. და პირიქით, მხოლოდ ცულის ცნობა შეშის დაპობის ცოდნას არ გულისხმობს.
- შეიტანეთ ეჭვი საკუთარ ბიზნეს მოდელსა და პოზიციონირების სტრატეგიაში, ორგანიზაციის სტრუქტურაში. შემოიკრიბეთ საუკეთესო თანამშრომლები და მათთან ერთად ეტაპობრივად განიხილეთ ყველა ფუნდამენტური ელემენტი, რომელსაც ეყრდნობა თქვენი კომპანია. დიდი შანსია, რომ უკეთეს გზებს მიაკვლიოთ.
4. კრეატიულობა
ეს ტერმინი გაურკვეველია, განსაკუთრებით სარეკლამო ინდუსტრიაში, სადაც „კრეატივი“ ბევრს დეპარტამენტიც კი ჰგონია. თითოეული პოზიცია ნებისმიერ კომპანიაში და სფეროში კრეატივის წყარო შეიძლება გახდეს. ყურადღება გაამახვილეთ შემდეგზე:
- კრეატიულობა არასდროს ყოფილა შემზღუდველი ფაქტორი რამის შესაქმნელად. მიუდექით მას როგორც ახალი იდეის და გზების წყაროს. ეს ინოვაციურობის მთავარი პრინციპია – არ არსებობს რამე, რისი გაუმჯობესებაც არ შეგიძლიათ – საქონელი, მომსახურება, პროცესები, ყველაფერი.
- დარწმუნდით იმაში, რომ თითოეულ თანამშრომელს გააჩნია შემოქმედებითი უნარ–ჩვევები და ადეკვატურად იყენებს მათ საკუთარ საქმეში. თუმცა ეს არ გულისხმობს იმას, რომ სარეკლამო სააგენტოში დასაქმებულ თითოეულ კადრს აქვს „ჰედლაინებისა“ და რეკლამების შექმნის უფლება. საუბარი ეხება იმას, რომ ყველა თავის საქმეში უნდა იყოს კრეატიული.
- იცით ვინ არიან ყველაზე შემოქმედებითები თქვენს ორგანიზაციაში? შესაძლოა, მათ ჯერ კიდევ არ გაუმჟღავნებიათ საკუთარი შესაძლებლობები, რაც მრავალი უსარგებლო აქტივობის მიზეზი ხდება და ბიზნესის შეფერხებასაც იწვევს. დროულად და სწორად გამოვლენილი შემოქმედებითი ნიჭი სტრატეგიის მწვერვალია, რომელიც გამოგარჩევთ კონკურენტებისგან და საკუთარ ადგილს დაგამკვიდრებინებთ.
5. ენთუზიაზმი
- ორგანიზაციული გარემო ის ადგილია, რომელიც ერთდროულად მიმდინარე უამრავ პროცესს აერთიანებს. ზოგიერთი მათგანი სტრუქტურიზებულია, ზოგი არა. პრობლემები საჭიროებს გადაწყვეტას და პირიქით. გუნდები პროექტიდან პროექტამდე იქმნება. ყველაფერი ეს კი მოტივაციას, ნდობას, პოზიტიურ ენერგიას მოითხოვს. მისი წამალი გადამდები ენთუზიაზმია. იპოვეთ ადამიანები, რომელთაც არ ეშინიათ საკუთარ ხედვაზე საუბრის.
- ენთუზიასტები არა მარტო უარყოფენ ნეგატიურ განწყობაზე, არამედ დადებით ენერგიასაც კი გასცემენ. ისინი ბუნებით ცნობისმოყვარენი არიან, უყვართ სწავლა, წინსვლა, საზღვრების გადაკვეთა. ამასთან, მხოლოდ გრძნობებით კი არ მიიწევენ მანამ, სანამ კედელს არ დაეჯახებიან, არამედ ფართოდ გახელილი თვალებით. თუმცა არც გეგმის ცვლილებას, მიმართულების შეცვლას უშინდებიან. ეს თამაშის ნაწილია. ნუ დაივიწყებთ იმასაც, რომ ასეთი ადამიანების განაწყენება უფრო ადვილია.
- დაფიქრდით სამუშაო საათებზე. რთული წარმოსადგენია, რომ დღის გრაფიკი ოდესმე კვლავ დაუბრუნდება 40–საათიან განაკვეთს. თანამედროვე მსოფლიოში სამსახური სულ უფრო იჭრება პირად ცხოვრებაში. ამ მოვლენას ენთუზიასტები ნაკლებად მტკივნეულად აღიქვამენ. თუ მოგწონთ საკუთარი სამუშაო და მას თქვენი პიროვნების ნაწილად მიიჩნევთ, მაშინ ბალანსის პოვნაც არ გაგიჭირდებათ და პირად ცხოვრებასა და კარიერას არა ცალკეულ კატეგორიებად, არამედ ერთ მთლიან, ინტეგრირებულ პროექტად აღიქვამთ.
ასე რომ, იარეთ წინ 2015 წელს ენთუზიაზმით. თუ ბედნიერი ადამიანი ხართ, რომელიც არასდროს წყვეტს სწავლას, მაშინ შესანიშნავი წელი გექნებათ.