ფრაზები, რომელიც არ უნდა გამოიყენოთ გაყიდვების მიმართულებით მუშაობისას

თარიღი April 17, 2015
კატეგორია: საინტერესო სტატიები | Comments Off on ფრაზები, რომელიც არ უნდა გამოიყენოთ გაყიდვების მიმართულებით მუშაობისას

უარყოფითი დამოკიდებულების გამოხატვა მხოლოდ „არას“ თქმით არ შემოიფარგლება. თუ ხშირად აკეთებთ ამას, ახლოსაც არ უნდა გაეკაროთ გაყიდვების დეპარტამენტს. კეთილგანწყობის ჩვენება მომხმარებლებთან ურთიერთობის უმთავრესი ყურადსაღები წესია. რა თქმა უნდა არ იგულისხმება მათი მოტყუება, თუმცა გარკვეული ოსტატობა სჭირდება იმის თქმას, რომ „დიდი სურვილი გაქვთ კლიენტი წამოაგოთ თქვენს ანკესზე“. გაეცანით 7 ფრაზას, რომელიც არ უნდა გამოიყენოთ მომხმარებელთან შეხვედრისას:

1.    „ეს მე არ მეხება“

უნდა შეგეძლოთ პასუხისმგებლობის თავზე აღება არა მარტო ბიზნეს ურთიერთობისას, არამედ პირად ცხოვრებაშიც. ნუ დაადანაშაულებთ ქვეყნის ეკონომიკას, საზოგადოებას და სხვა გარე ფაქტორებს, რადგან ეს ავტომატურად ვიღაცის ან რაღაცის მონობას გულისხმობს. მსოფლიოს წარმატებულმა ლიდერებმა დიდი ხანია შეწყვიტეს ამის გაკეთება და აიმაღლეს პასუხისმგებლობის გრძნობა. თუ გამარჯვებას საკუთარ თავს მიაწერთ, ნურც მარცხის შემთხვევაში დაიძვრენთ თავს.

2.    „მერწმუნეთ“

ოდესმე შეგინიშნავთ, მყიდველი რომ არ გისმენდეთ?! ეს იმიტომ, რომ ფრაზა „გაყიდვების აგენტი“ მათში უკვე უნდობლობის განცდას იწვევს. ინტერნეტში უამრავი მასალა მოიძებნება ამ პროფესიის ადამიანების მიმართ სკეპტიკურ დამოკიდებულებასთან დაკავშირებით. ნდობის დაკარგვა კი მხოლოდ ურთიერთობის დროს ახანგრძლივებს და შესაძლოა ძვირად დაუჯდეს თქვენს წარმომადგენელს. ფრაზა „მერწმუნეთ“ ნამდვილად არ გაზრდის მომხმარებლების მხრიდან თქვენდამი ნდობას, პირიქით, შესაძლოა, საპირისპირო შედეგიც კი გამოიწვიოს. იმისათვის, რომ კეთილგანწყობა დაიმსახუროთ, არა მხოლოდ მოუყევით თქვენი პროდუქტების შესახებ, ეცადეთ შეაგროვოთ მესამე მხარესთან დაკავშირებული მასალებიც, რადგან ეს დამატებით სანდოობას შესძენს თქვენს ნაამბობს. არ დაგავიწყდეთ თითოეული სიტყვის, შეთავაზების, წინადადების და პირობის წერილობითი დადასტურებაც.

3.    „მე თვითონ არ ვსარგებლობ“

არასდროს გენდობა სხვა მანამ, სანამ თავად არ ირწმუნებ პროდუქტის უპირატესობებს. მაგ. თუ ავტოდილერთან მუშაობთ, თუმცა თავად არ სარგებლობთ არცერთი შესაბამისი ავტომობილით, დაკარგავთ სანდოობას. ასეთ შემთხვევაში კი აგენტების შეთავაზებებს არ თანხმდებიან. რწმენა აგაშენებთ ან დაგანგრევთ – გაყიდვას მხოლოდ მას შემდეგ შეძლებთ, რაც თქვენი არგუმენტები მყიდველის პრეტენზიებზე ძლიერი აღმოჩნდება. ზუსტად იმ მომენტში, როდესაც მოწინააღმდეგის პოზიცია სუსტდება, იზრდება პროდუქტის გაყიდვის შანსი. ამიტომ შეხვედრაზე წასვლამდე 100%–ით უნდა იყოთ დარწმუნებული საკუთარ შესაძლებლობებში. ნუ გაყიდით რამეს მანამ, სანამ მის ყიდვას თავად არ მოისურვებთ.

 4.    „კომპანიის პოლიტიკა ასეთია“

არავის სურს ამ ფრაზის გაგონება, მათ შორის თქვენ თვითონაც. არავის ანაღვლებს კომპანიის პოლიტიკა. მათთვის მთავარია მომსახურება, რომელსაც იღებენ. ამიტომ ნუ გამოიყენებთ ამ არგუმენტს საკუთარი უცოდინრობის ან სურვილის ნაკლებობის გასამართლებლად. თუ კომპანიის პოლიტიკა კლიენტის კომფორტს ეწინააღმდეგება, შეცვალეთ ან დაარღვიეთ და შემდეგ გადაჭრის გზებით დაბრუნდით. ცოტა იეშმაკეთ. გამოიყენეთ ფრაზები: „ეს არ გახლავთ საუკეთესო ადგილი იმისთვის, რომ…“, „მესმის და მსურს დაგეხმაროთ. ამიტომ ვეცდები თქვენთვის შევცვალო…“

 5.    „ჩვენ კონკურენტუნარიანები ვართ“

მოსაზრება, რომ „კონკურენცია ჯანსაღია“, მომხმარებლებზეა გათვლილი და არა გაყიდვების აგენტებზე. ნუ შეეჯიბრებით – მოიპოვეთ ლიდერობა. როდესაც სტივ ჯობსმა სმარტფონების ბიზნესში გადასვლა გადაწყვიტა, კოლეგები მას ამ იდეის მიტოვებას და აიპოდებზე კონცენტრაციის გაკეთებას ურჩევდნენ. აიფონი კი დღესაც ერთადერთი ყველაზე პოპულარული სმარტფონია მთელს მსოფლიოში. აი ასე უნდა დაიმკვიდროთ ადგილი – საკუთარი საქმის ექსპერტი უნდა გახდეთ. ისარგებლეთ ლინქდინით, ტვიტერით, გუგლ პლუსით, ფეისბუქით და ყველა შესაძლო ვარიანტით, რათა ადამიანებს თქვენი სახეობის პროდუქტის არა მხოლოდ ძიებისას, არამედ გაფიქრების დროსაც კი პირველ რიგში გაახსენდეთ.

 6.    „ეს ალბათ თქვენს ბიუჯეტს აღემატება“

ყოველთვის ადეკვატურად მოექეცით მყიდველს და ნუ მისცემთ თავს მათი შესაძლებლობების შეფასების უფლებას. ეს შესაძლოა ძვირად დაგიჯდეთ. უამრავჯერ ყოფილა იმის შემთხვევა, რომ გაყიდვის შანსი არ არსებულა, თუმცა თუ მყიდველს ისე მოექცევით, რომ მას შეუძლია შეთავაზებაზე დათანხმება, შედეგსაც ადვილად დაინახავთ. მიუხედავად იმისა, აქვთ თუ არა მათ ფული, ბიუჯეტი და გადასახადების გადახდის სურვილი, ნუ გადაუწყვიტავთ მომავალს. მოეპყარით მათ ისე, თითქოს შეუძლიათ და იყიდიან კიდეც.

 7.    „დღეს არ ვმუშაობ“

გახსოვდეთ, რომ ბიზნესი მუდმივ ჩართულობას მოითხოვს. ოდესმე მიგიღიათ „სამსახურში არყოფნის“ მეილი, როდესაც ვინმესთან დაკავშირებას ცდილობთ? ეს საოცრად გამაღიზიანებელია. ნურასდროს გაასაჯაროებთ იმას, რომ ჩაკეტილი ხართ ახალი შესაძლებლობებისადმი. მნიშვნელობა არ აქვს სად და როგორ, ეცადეთ ყოველთვის ხელმისაწვდომი იყოთ ბიზნესისთვის. მართალია, ყველას აქვს პირადი ცხოვრება, რომლისთვისაც ხშირად 10–ჯერ მეტი ყურადღების დათმობას ისურვებდით, თუმცა ნუ დაგავიწყდებათ, რომ მოვლა ბიზნესსაც სჭირდება. ფეისბუქი და ტვიტერი ახლა უკვე ყველგან ხელმისაწვდომია, ამიტომ ზოგიერთი მესიჯის ავტორს შესაძლოა წარმოდგენაც არ ჰქონდეს, რომ იმ კონკრეტულ მომენტში თქვენ ბავშვებთან ერთად ერთობით, ან მეუღლესთან მოგზაურობთ. ყოველთვის დარჩით კავშირზე.

წყარო

კომენტარები

comments